İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 347 Hüküm no: 504 Orijinal metin no: [58a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Halife Vakfı’na ait evin Ahmed b. Mehmed’e kiraya verildiği Ba‘dehû bâlâda mastûr olan mütevellî Yusuf meclis-i şer‘-i şerîfde Ahmed b. Mehmed muvâcehesinde takrîr-i kelâm edip, vakf-ı mezbûrdan olan mahalle-i mezbûrede vâki‘, bir tarafdan Kamer Hâtun mülkü ve bir tarafdan Molla Çelebi Vakfı ve bir tarafdan mescid-i şerîf ve bir tarafdan tarîk ile mahdûd olup, bir bâb fevkānî evi ve bir ahırı müştemil olup, mahlûl olan vakf menzili, iki bin akçe icâre-i mu‘accele ve târih-i kitâb şehri gurresinden her ayda yirmi beşer akçe icâre-i müeccele ile mezbûr Ahmed’e tevliyyetim hasebiyle îcâr ve teslîm etdim, ol dahi vech-i muharrer üzre istîcâr ve kabûl etti. Ba‘de’l-yevm icâre-i müeccelesin mâ[h] be mâh cânib-i vakfa edâ edip, menzil-i mezbûra mutasarrıf oldum dedikde, gıbbe’t-tasdîk mâ hüve’l-vâki‘ bi’t-taleb kayd olundu. Tahrîren fî evâili Recebi’l-ferd li sene seb‘a ve ışrîn ve elf. Şuhûdü’l-hâl: Es-Sâbikūn.