İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 357 Hüküm no: 522 Orijinal metin no: [60b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer b. Gülâbî’ye yabancıları evine almaması için tenbihde bulunulduğu Mahmiye-i İstanbul mahallâtından Molla Hüsrev mahallesinde vâki‘ Kara Ali odaları sekenâtından Mustafa b. Abdullah ve Bayram b. Abdullah ve Bâli b. Mahmud ve el-Hâc Abdullah nâm kimesneler meclis-i şer‘de, işbu hâzır fi’l-meclis olan Cafer b. Gülâbî nâm kimesneyi ihzâr ve mahzarında takrîr-i kelâm edip, mezbûr Cafer dâimâ evine nâ-mahrem idhâl edip, birkaç def‘a cümlemiz tenbîh edip, olmadığından mâ‘adâ hâlâ Hasan nâm nâ-mahrem evindedir, suâl olunup cânib-i şer‘den tenbîh olunmasını taleb ederiz dediklerinde, gıbbe’s-suâl mersûm Cafer cevâbında, fi’l-vâki‘ mezbûr Hasan şâgirdim olmakla evime gelir gider deyû mezbûr Hasan’ın evine dâhil olduğuna i‘tirâf etmeğin, mezbûr Cafer evine nâ-mahrem idhâl etmemek için cânib-i şer‘den tenbîh-i ekîd olunup, mâ vaka‘a kayd şüd. Fi’t-târihi’l-mezbûr. Şuhûdü’l-hâl: Receb b. Muharrem, Cafer b. Mustafa, Hasan b. Abdullah.