Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 166 Hüküm no: 145 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arife Hatun’un boşandığı eşi Ali Beşe’den mehir ve sâir alacaklarını tahsil etmesi Mahmiye-i İstanbul’da Ayasofya-i kebîr mahallesi sâkinelerinden Arife bt. Abdullah nâm hatun meclis-i şer‘-i şerîf-i Ahmedî ve mahfil-i dîn-i münîf-i Muhammedî’de zevc-i mutallıkı bâ‘isü hâze’l-kitâb Ali Beşe b. Bali nâm kimesne mahzarında bi’t-tav‘i’s-sâf ikrâr ve takrîr-i kelâm edip merkūm Ali Beşe bundan akdem beni talâk-ı bâyin ile tatlîk etmeğin zimmetinde mütekarrir ve ma‘kūdün-aleyh olan iki bin akçe mehr-i müeccel-i müsemmâmı ve nafaka-i iddet-i ma‘lûmem için ta‘yîn olunan beş yüz akçeyi ve cihet-i karzdan zimmetinde hakkım olan dokuz yüz akçeyi cem‘an üç bin dört yüz akçeyi tamâmen bana def‘ ü teslîm eylemeğin zevciyete ve târîh-i kitâba gelince cemî‘ hukūk-ı ma‘lûme ve mechûleye müte‘allıka âmme-i de‘âvî ve mutâlebâtdan ben mezbûr Ali Beşe’nin ve mezbûr Ali Beşe benim zimmetimi ibrâ eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’l-ibtigā ketb ü imlâ olundu. Fî-selhi Cumâdelâhire li-sene ihdâ ve semânîn ve elf. Şuhûdü’l-hâl: Mustafa b. Bali, Mustafa b. Ahmed, Mehmed b. Fazlullah, Ahmed b. İbrahim, Hasan b. Abdullah, Mustafa b. Mehmed.