İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 373 Hüküm no: 551 Orijinal metin no: [64a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi ve babası Mustafa’nın Zeynep bt. Musa’daki alacaklarını tahsil ettikleri Mahmiye-i İstanbul’da Muhtesib İskender mahallesi sâkinelerinden olup vefât eden İstemihan Hâtun bt. Abdi nâm hâtunun kebîr oğlu Mehmed Çelebi ve zevci Mustafa Abdullah mahfil-i kazâda, râfi‘atü’l-kitâb Zeynep Hâtun mahzarında her biri ikrâr ve takrîr-i kelâm edip, muhallefât-ı müteveffât-ı mezbûreden mezbûre Zeynep Hâtun zimmetinde iki bin akçe vardır deyû mezbûreden da‘vâ ve taleb etmiş idik. Hâlâ meblağ-ı mezbûru ahz olunmağın, sâbıku’z-zikr meblağa müte‘allik da‘vâdan mezbûre Zeynep Hâtun’un zimmetini ibrâ ve ıskāt etdik. Ba‘de’l-yevm muhallefât-ı müteveffât-ı mezbûreye müte‘allik bi’z-zât veya bi’l-vâsıta da‘vâ dahi sudûr ederse istimâ‘ olunmaya dedikde, gıbbe’t-tasdîk kayd şüd. Hurrire fi’t-târihi’l-mezbûr. Şuhûdü’l-hâl: Es-Sâbikūn.