İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 373 Hüküm no: 552 Orijinal metin no: [64a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocacık Yörükleri Beyi Hüseyin Bey b. Ahmed’in, Miri develer reisi Ali’ye olan borcunun tecil olunduğu Sâbıkan Kocacık Yörüğü Beyi olan Hüseyin Bey b. Ahmed meclis-i şer‘-i kavîmde, mîrî sârbânı reisi olan râfi‘ü’l-kitâb Ali Sârbân muvâcehesinde ikrâr ve i‘tirâf edip, zikr olunan sancağı bin yirmi iki senesinden yirmi beş senesine varınca zabt edip, ba‘de’l-hesâb cânib-i mîrîye altmış sekiz bin yüz kırk dört akçe deynim olup, meblağ-ı mezbûr cânib-i mîrîden mezbûr Ali Sârbân’a sârbânlar ve deveciler mevâcibi için cânib-i selefe Ali’den havâle olunup, yedlerine bin yirmi altı senesi Şevvâli’yle muvarrah sebeb-i tahrîr hükmü verilip, hâlâ nakid akçem olmağın [olmamağın] tahsîl ve teslîm için te’cîl olunmak taleb ettiğimde, meblağ-ı mezbûr altmış sekiz bin yüz kırk dört akçeyi târih-i kitâbdan doksan güne varınca mezbûr Ali Sârbân te’cîl edip, ben dahi kabûl etmeğin, meblağ-ı mezbûr mûmâ-ileyh Ali Sârbân’a bu tarîk ile vâcibü’l-kazâ deynimdir dedikde, mâ vaka‘a gıbbe’t-tasdîk ketb olundu. Hurrire fi’l-yevmi’s-sâmin aşer min Receb li sene seb‘a ve ışrîn ve elf. Şuhûdü’l-hâl: Musa Bey b. Mustafa, Mehmed Bey b. Ramazan gulâm, Mehmed Çelebi b. Ömer el-küttâb, Der[vi]ş b. Ahmed, Hüseyin b. Ramazan ve gayruhüm.