Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 170 Hüküm no: 149 Orijinal metin no: [31b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşi Toros tarafından terk edilmiş olan Meryem ve küçük çocuğu için nafaka takdir olunması Mahmiye-i Kostantıniyye mahallâtından Gedikpaşa mahallesinde sâkine olan Meryem bt. Manol nâm zimmîyye meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup Toros v. ( ) nâm dört seneden beri gāib olan zevcinin nafaka ve nafaka cinsinden bir şey bırakmadığına veyâ göndermediğine dâir yemîn ettiğinde hâkim-i muvakkı‘-ı a‘lâhu el-mutavakkı‘ rızâi rabbihi ve mevlâhu, nafakası, kisvesi ve sâir havâic-i zarûriyesi için zeyl-i kitâbda mezkûr târîhden i‘tibâren yevmî râyicü’l-vakt beş akçe farz ve takdîr etti. Hâkim-i mezbûr zevc-i merkūmun firâşından hâsıl ve müdde‘iyye-i mesfûreden mütevellide olan sadrî sagīr oğlunun nafakası, kisvesi ve sâir havâic-i lâzımesi için beş akçe dahi farz ve takdîr eyledi. Hâkim-i mûmâ-ileyh meblağayn-ı mefrûzeyni kendisinin ve sagīr-i mezbûrun havâicine sarfa ve lede’l-hâce istidâne edip vakt-i zaferde zevc-i gāibine rücû‘a mezbûre Meryem’e izin verdi. Cerâ zâlike ve hurrire fi’l-yevmi’s-sânî min-Recebi’l-mürecceb li-sene ihdâ ve semânîn ve elf. Şuhûdü’l-hâl: Mustafa Çelebi b. el-Hâc ( ), Mehmed b. Ramazan, Şükrullah Bey b. Mustafa.