İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 410 Hüküm no: 620 Orijinal metin no: [73a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İnebahtı mutasarrıfı Mehmed Paşa’nın bağını Mehmed Ağa’ya sattığı Vilâyet-i Rumeli’nde İnebahtı sancağına ber vech-i arpalık mutasarrıf olan Mehmed Paşa b. Mahmud meclis-i şer‘de, işbu râfi‘ü’l-kitâb Mehmed Ağa b. Mustafa mahzarında ikrâr ve takrîr-i kelâm edip, İnebahtı kal‘asında vâki‘ Menamim bahçesi demekle ma‘rûf olup, bir tarafı Mustafa Paşa değirmeni ve iki tarafı Süleyman Çelebi bağı ve bir tarafı değirmen arkı ile mahdûd olan mülk bahçemi, bi cümleti’t-tevâbi‘ ve’l-levâhık mezbûr Mehmed Ağa’ya râyic fi’l-vakt elli bin akçeye bey‘-i bâtt-ı sahîh ile bey‘ edip, kabz-ı semen-i mezbûr edip, zikr olunan bahçeyi mahallinde mezbûr Mehmed Ağa’yı taslît etdim. Ba‘de’l-yevm zikr olunan bahçe mezbûr Mehmed Ağa’nın mülküdür. Hasbemâ yehtâr mutasarrıf olsun dedikde, gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Hurrire fi’l-yevmi’l-hâmis aşere min Şa‘bâni’l-mu‘azzam li sene seb‘a ve ışrîn ve elf. Şuhûdü’l-hâl: El-Hâc Musa, el-Hâc Mustafa el-cündî, Şaban Çavuş b. İvaz, Mehmed Ağa b. Abdullah.