İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 416 Hüküm no: 629 Orijinal metin no: [74a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühân Hanım bt. Mustafa’nın muhâla‘a yoluyla eşi Kefe Defterdârı Mahmud Çavuş b. İbrahim’den boşandığı Vilâyet-i Rumeli’nde Kızanlık nâm kasaba sâkinelerinden Mihrişah Hanım bt. Mustafa Bey tarafından husûs-ı âti’l-beyâna vekîl olup, Hasan Beşe b. Mehmed ve Hüseyin b. Hasan şehâdetleri ile vekâleti sâbite olan Piyâle b. Abdullah meclis-i şer‘de, mezbûrenin zevci olup hâlâ Kefe defterdârı ve nâzır-ı olan Mahmud Çavuş b. İbrahim mahzarında takrîr-i kelâm edip, müvekkilem mezbûrenin mehr-i müeccelinden zevci mezbûr Mahmud zimmetinde kırk bin akçesi olup, meblağ-ı mezbûr mukābelesinde Cenane bt. Abdullah nâm Rûsiyye câriye ve Şems Perî bt. Abdullah nâm dellâke câriye alıp kabz ettikden sonra, nafaka-i iddeti üzre vekâletim hasebiyle mezbûr Mahmud ile muhâla‘a-i sahîha-i şer‘iyye ile muhâla‘a etdik ve nafaka-i iddet ve hukūk-ı zevciyyete ve esâs-ı beytiyye[ye] müte‘allik âmme-i da‘âvâdan ben mezbûr Mahmud Çavuş’un ve mezbûr Mahmud Çavuş müvekkilemin zimmetini ibrâ-i âmm-ı ile ibrâ ettik. Ba‘de’l-yevm her hangisinden husûs-ı mezbûre müte‘allik da‘vâ sudûr eder ise inde’l-hükkâm mesmû‘a ve makbûle olmaya dedikde, vekîl-i mezbûru ikrâr-ı meşrûhunda merkūm Mahmud Çavuş bi’l-muvâcehe tasdîk edip, mâ hüve’l-vâki‘ bi’t-taleb ketb olundu. Hurrire fi’l-yevmi’s-sâdis aşere min Şa‘bâni’l-mu‘azzam li sene seb‘a ve ışrîn ve elf. Şuhûdü’l-hâl: Nizâmî Efendi, Fahrü’l ümerâ’i’l kirâm Mahmud, Sâlih Çelebi, Hüseyin Ağa b. Abdullah.