İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 452 Hüküm no: 693 Orijinal metin no: [82b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâdık b. Yusuf’un, eşi Ayşe Hâtunu nafakasız bırakarak bir yere gittiği takdirde Seyyid Süleyman b. Seyyid Yakub’u eşini boşamaya vekil ta’yîn ettiği Mahmiye-i İstanbul’da Cezerî Kasım Paşa mahallesi sâkinelerinden Ayşe Hâtun bt. es-Seyyid İbrahim meclis-i şer‘-i kavîmde, hâlâ zevci olan Sâdık b. Yusuf mahzarında takrîr-i kelâm edip, mezbûr Sâdık beni bilâ-nafaka ve lâ-kisve bırakıp gâh Anadolu’ya ve gâh Rumeli’ne gider, suâl olunup tenbîh olunmak taleb ederim dedikde, gıbbe’s-suâl mezbûr Sâdık cevâbında, ba‘de’l-yevm bir dahi mezbûreyi bilâ-nafaka ve lâ-kisve bırakıp âhar diyâra gidersem hâzır bi’l-meclis olan es-Seyyid Süleyman b. es-Seyyid Yakub vekîl-i mezbûreyi talâk-ı bâyin ile tatlîk eylesin dedikde, ol dahi vekâlet-i mezbûreyi kabûl ve hizmet-i lâzımesin edâya müte‘ahhid olmağın, mâ hüve’l-vâki‘ gıbbe’t-taleb ketb olundu. Tahrîren fi’s-sâbi‘ ve’l-ışrîn min Ramazâni’l-mübârek li sene seb‘a ve ışrîn ve elf. Şuhûdü’l-hâl: Es-Seyyid Yakub [b.] İbrahim, es-Seyyid Mehmed b. es-Seyyid Mahmud, Hasan b. Sefer, İbrahim b. Pîrkulu, Musa b. İlyas, Mahmud b. Bâli ve gayruhüm.