İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 462 Hüküm no: 713 Orijinal metin no: [84b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid Ahmed Zaviyesi’ndeki câmide vazifeli Halil b. Kamer’in görevini Ahmed b. Hızır devrettiği Mahmiye-i İstanbul’da merhûm es-Seyyid İsmail nâm sâhibü’l-hayrın babası Yorganî Emir demekle ma‘rûf es-Seyyid Ahmed’in zâviyesinden binâ ve ihdâs eylediği câmi‘-i şerîfin mahfilinde her kabîl-i salât-i Cum‘a kemâl-i tecvîd ve tertîl ile kırâ’at-i Kur’ân-ı cemîle kādir beş nefer kimesne birer aşr-i şerîf tilâvet edip, mukābilinde yevmî birer akçe vazîfeye mutasarrıf olalar deyû şart ve ta‘yîn eylediği, enfâr-i hamseden Halil Efendi b. Kamer hayrât-ı mezbûreden hüsn-i ihtiyârı ile işbu sâhibü’l-kitâb Ahmed b. Hızır nâm kimesneye fâriğ olup, mezkûr Ahmed kırâ’ate ehil ve kādir ve tecvîd ve tertîlde mâhir idiği zâhir olmağın, ber-mûceb-i şart-ı vâkıf tevcîh olunup, zabt u tasarrufu için bu hurûf ketb ü terkīm olundu. Cerâ zâlik. Hurrire fi’l-yevmi’t-tâsi‘ min şehri Şevvâli’l-mükerrem li sene seb‘a ve ışrîn ve elf. Şuhûdü’l-hâl: Şaban Efendi b. Mustafa, İbrahim b. Bekir, Mehmed b. Hızır, Mustafa Çelebi.