Bab Mahkemesi 11 Numaralı Sicil (H. 1081 / M. 1670-1671) cilt: 53, sayfa: 180 Hüküm no: 166 Orijinal metin no: [34a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mehmed Bey’in çocuklarının vasisinin azli ve annelerinin vasi tayini Mahmiye-i İstanbul’da Kādıasker Mehmed Efendi mahallesinde sâkin iken bundan akdem vefât eden Mehmed Bey b. Ali’nin sulbî oğlu Mustafa ile sulbiye sagīre kızı Hadîce’nin kıbel-i şer‘den mansûb vasîleri olan es-Seyyid Mehmed Çelebi b. es-Seyyid Nasuh umûr-ı vesâyeti ikāmetden izhâr-ı acz etmekle azil olunup yerine sagīrân-ı mezbûrânın vâlideleri İsmihan bt. Abdullah nâm hatun sagīrân-ı mezbûrânın umûrunu ikāmet için taraf-ı şer‘den vasî nasb olundukda mezbûre İsmihan dahi vesâyet-i mezbûreyi kabûl etdiğinden sonra meclis-i şer‘-i şerîfde vasiyy-i sâbık-ı mezbûr es-Seyyid Mehmed Çelebi mahzarında ikrâr ve takrîr-i kelâm edip vasiyy-i mezbûr es-Seyyid Mehmed Çelebi tereke-i müteveffâ-yı mezbûrdan sagīrân-ı mezbûrânın hisselerini isâbet eden otuz bir bin akçeyi kabz etdiğinden sonra birkaç sene i‘mâl edip kabz etdiği on yedi bin <> akçeyi ribh-i şer‘îden [34b] ve on dört bin akçe asl-ı mâldan min-haysü’l-mecmû‘ otuz bir bin akçeyi <> akçeyi nafaka-i mefrûzaları için bana teslîm, ben dahi kabz ve sagīrân-ı mezbûrânın nafakalarına harc etmiş idim, hâlâ mezbûr es-Seyyid Mehmed Çelebi asl-ı mâldan yedinde bâkī kalan on yedi bin akçeyi mezbûr es-Seyyid Mehmed Çelebi <<üç yüz akçe ile ribh-i mezbûrdan bâkī yedi yüz akçe ki cem‘an on sekiz bin akçeyi>> bana teslîm ben dahi vesâyet-i mahkiyem hasebiyle yedinden ahz u kabz eyledim, min-ba‘d vasiyy-i mezbûr es-Seyyid Mehmed Çelebi yedinde sagīrân-ı mezbûrânın asl-ı mâllarından ve ribhinden bir akçe ve bir habbe bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis min-Recebi’l-mürecceb li-sene ihdâ ve semânîn ve elf. Şuhûdü’l-hâl: Mehmed Efendi b. Ali el-ma‘rûf Sultan Selim, es-Seyyid Ali Çavuş b. Mustafa, Ahmed Çelebi b. Ahmed, Ali Efendi b. Mehmed el-imâm,