İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 484 Hüküm no: 739 Orijinal metin no: [93b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdülkerim Efendi b. Hasan’ın Modoniç cizyesinin tahsiliyle alâkasının olmadığı Mâ fîh kemâ fîh harrerehû el-fakīr Ahmed b. Alâaddin el-Müvellâ-hilâfeten bi mahkeme-i Mahmud Paşa bi medîne-i Kostantıniyye ufiye anhümâ Kıdvetü’l-hutebâi’l-kirâm Abdülkerim Efendi b. Hasan mahfil-i kazâda Şaban Bey b. Ali mahzarında takrîr-i kelâm [edip], mezkûr Şaban Bey yirmi iki senesinde Rumeli’nde Modoniç cizyesini cânib-i mîrîden iltizâm edip, benim alâkam yoğiken Âsitâne-i sa‘âdetde deftere bi ma‘rifeti Abdülkerim Efendi deyû kayd ettirmiş deyû haber aldım. Suâl olunup takrîri tahrîr olunmasın taleb ederim dedikde, gıbbe’s-suâl mezkûr Şaban Bey cevâbında, cizye-i merkūmeyi târih-i mezbûrda atebe-i aliyye-i sultânîyye’de başdefterdâr olan Abdülbâkī Paşa hazretlerinden ben müstakillen iltizâm edip, bir mikdârın cem‘ u tahsîl edip mîrîye teslîm etdim, bir mikdârı dahi re‘âyâ zimmetindedir, onu dahi cem‘ u tahsîl edip teslîm etmem gerekdir. Merkūm Abdülkerim Efendi’nin alâkası yoğiken deftere niçin “bi ma‘rifeti Abdülkerim Efendi” deyû kayd eylerim, defterde ben kendimi kayd etdirdim. Nihâyet merkūm Abdülkerim Efendi’nin ol cizye için cânib-i mîrîye iki yüz seksen bin akçesi geçmişdir, onu dahi almışdır, merkūm Abdülkerim Efendi’nin ol cizyede kat‘â alâkası yokdur dedikden sonra, mâ hüve’l-vâki‘ bi’t-taleb ketb olundu. Fî evâsıtı Recebi’l-ferd li sene hamse ve ışrîn ve elf. Şuhûdü’l-hâl: Kenan Bey b. Abdullah, Ahmed Çelebi b. ( ) el-kâtib, Mehmed b. Ali.