İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 105 Hüküm no: 12 Orijinal metin no: [1a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Timurhan bt. Abdullah ile Hüseyin b. Mustafa’nın boşanmaları Mahmiye-i İstanbul’da Abdi Subaşı mahallesinde sâkine Timurhan bt. Abdullah nâm hatun meclis-i şer‘de zevci işbu bâ‘isetü’l-kitâb Hüseyin bin Mustafa mahzarında <<üzerine>> ikrâr ve takrîr-i kelâm edip zevcim mezbûr Hüseyin <> zimmetinde mütekarrir ve ma‘kūdün-aleyh olan sekiz yüz akçe mehr-i mü’eccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere kendi mâlımdan beş yüz akçe dahi mezbûr Hüseyin’e bedel-i hul‘ vermek üzere zevcem mezbûr Hüseyin ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allika âmme-i de‘âvîden her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâbi‘ aşer min-Recebi’l-ferd li-sene isneyn ve seb‘în ve elf. Şuhûdü’l-hâl: İbrahim b. Behram, el-Hâc Ahmed b. Mahmud, Şükrullah b. Mustafa, Abdi Çelebi b. Hüseyin, Mehmed b. İskender, Rasûl b. Rıdvan, Ahmed b. Abdülcabbar, Mehmed b. Ramazan.