İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 113 Hüküm no: 23 Orijinal metin no: [2b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia bt. Mustafa’nın boşandığı Himmet b. Yusuf’tan mehrini ve diğer alacaklarını aldığı Mahmiye-i İstanbul’da Monla Hüsrev mahallesinde sâkine Râbia bt. Mustafa nâm hatun mahfil-i kazâda zevc-i mutallıkı işbu bâ‘isetü’l-kitâb Üstâd Himmet b. Yusuf mahzarında ikrâr ve takrîr-i kelâm edip zevcim mezbûr Üstâd Himmet beni talâk-ı bâyin ile tatlîk etmeğin zimmetinde mütekarrir ve ma‘kūdün-aleyh olan altı yüz akçe mehr-i mü’eccelim ve nafaka-i iddet-i ma‘lûmem ve me’ûnet-i süknâm için ta‘yîn olunan üç yüz akçe ki cem‘an zimmetinde olan dokuz yüz akçeyi mezbûr Üstâd Himmet yedinden bi’t-tamam ahz u kabz eyledim dedikde gıbbe’t-tasdîk mâ-vaka‘a bi’t-taleb ketb olundu. Fi’s-sâdis min-Recebi’l-ferd li-sene isneyn ve seb‘în ve elf. Şuhûdü’l-hâl: Şükrullah b. Mustafa, Muharrem Çelebi b. ( ), Abdi Çelebi b. Hüseyin, Hızır b. Abdünnebi, Rasûl b. Rıdvan.