İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 126 Hüküm no: 44 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi b. İbrahim’in merhum Mehmed Beşe’nin kızları Rahime ve Sâliha’ya 190 guruş borcu olduğunu ikrar edip ödemeyi taahhüt ettiği Mahmiye-i İstanbul’da Yenikapı hâricinde sâkin Mustafa Çelebi b. İbrahim nâm kimesne meclis-i şer‘de bundan akdem vefât eden Mehmed Beşe b. ( ) nâm kimesnenin sulbiye kebîre kızı Rahime ile sagīre kızı Sâliha’nın vâlidesi olup tesviye-i umûruna kıbel-i şer‘den mansûbe vasîsi Emine Hatun mahzarında tav‘an ikrâr ve takrîr-i kelâm edip merkūmetân Rahime ve Sâliha’ya karz-ı şer‘îden zimmetimde vâcibü’l-edâ yüz doksan dört riyâlî guruş deynim olup meblağ-ı mezbûru târih-i kitâb şehri gurresinden yüz seksen gün tamamına değin edâya ta‘ahhüd eyledim dedikde gıbbe’t-tasdîkı’l-mu‘teber li-ebeveyn karındaşı Halil Bey b. İbrahim eyyâm-ı merkūme tamamına dek mezbûr Mustafa Çelebi’nin nefsine, firâr [ve] gaybet ederse meblağ-ı mezbûre kefîl olmağın mâ hüve’l-vâki‘ bi’t-taleb ketb olundu. Fi’s-sâbi‘ min-Recebi’l-ferd li-sene isneyn ve seb‘în ve elf. Şuhûdu’l-hâl: es-Sâbıkūn.