İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 127 Hüküm no: 46 Orijinal metin no: [4b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Receb b. Osman’ın ölen babasının Vartan’ın oğullarından yüz kırk dört guruş alacağı olduğuna dair iddiasını ispat edemediği Mahmiye-i İstanbul’da Karagümrük kurbünde Ali Paşa-yı Atîk mahallesinde sâkin iken vefât eden Pazarcı Osman’ın sulbî oğlu ve hasran vârisi Receb meclis-i şer‘de mahmiye-i mezbûrede Karaman kurbünde Magnisalı Çelebi mahallesinde demirci tâifesinden işbu hâmilü’s-sifr Demür ve Yani ve Tator evlâd-ı Vartan nâm zimmîler muvâcehelerinde da‘vâ edip babam ve mûrisim mezbûr Osman’ın mezbûrların zimmetlerinde yüz kırk dört riyâlî guruş hakkı olup kable’l-ahz vefât etmeğin meblağ-ı mezbûr bana intikāl etmişdir mezbûrlardan taleb ederim suâl olunsun dedikde gıbbe’s-suâl ve’l-inkâr müdde‘î-i mezbûr ityân-ı beyyineden izhâr-ı acz edip istihlâf etmeğin zimmiyûn-ı mezbûrûna müdde‘î-i mezbûrun babası müteveffâ-yı mezbûrun minvâl-i meşrûh üzere zimmetlerinde yüz kırk dört riyâlî guruş hakkı olmadığına yemîn teklîf olundukda onlar dahi halfü billâhi’l-lezî enzele’l-İncîle alâ-İsa aleyhisselâm etmeğin bilâ-beyyine müdde‘î-i mezbûr mu‘ârazadan men‘ birle mâ-vaka‘a bi’t-taleb ketb olundu. Şuhûdu’l-hâl: el-Hâc Ahmed b. Mahmud, Veli b. Mahmud, Hüseyin b. Ebîbekir, Rasûl b. Rıdvan, Hasan b. Mustafa.