İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 127 Hüküm no: 47 Orijinal metin no: [4b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Çelebi b. Mustafa’nın Hacı İlyas Vakfı’ndan alacağının ödenmesi için mütevellisine otuz gün süre verdiği Mahmiye-i İstanbul’da vâki‘ el-Hâc İlyas mescid-i şerîfinde hâlâ müezzin olan bâ‘isü’r-rakīm Abdullah Çelebi b. Mustafa meclis-i şer‘de mezbûr el-Hâc İlyas Vakfı’na bi’l-fi‘il mütevellî olan Seyyid Mehmed Çelebi b. Seyyid Mahmud mahzarında ikrâr ve takrîr-i kelâm edip mescid-i mezbûrda hizmetim mukābelesinde ta‘yîn olunan vazîfe-i ma‘lûmem ile karz-ı şer‘îden mezbûr Seyyid Mehmed Çelebi zimmetinde ba‘de külli’l-hesâb zuhûr eden bin altı yüz beş akçe hakkımı târih-i kitâbdan otuz gün tamamında bana edâ ve teslîm etmek üzere tecîl ve imhâl eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâmin min-Recebi’l-ferd li-sene isneyn ve seb‘în ve elf. Şuhûdu’l-hâl: Hüseyin Çelebi b. Ali, el-Hâc Mahmud b. Mustafa, el-Hâc Ahmed b. Mahmud, Şükrullah b. Mustafa, Abdi Çelebi b. Hüseyin.