İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 144 Hüküm no: 72 Orijinal metin no: [7b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmet adlı şahsın validesinden kendisine isabet eden paranın yarısının babası tarafından teslim edildiğine dair ikrarı Mahmiye-i İstanbul’da Sultan mahallesinde sâkine Ahmed nâm kimesne meclis-i şer‘de babası Mahmud b. Yakub mahzarında ikrâr ve i‘tirâf edip vâlidem olup bundan akdem vefât eden Emine bt. Mehmed nâm hatunun cemî‘ terekesinden bana isâbet eden iki bin akçeyi hâl-i sıgārımda babam mezbûr velâyeten ahz u kabz edip hâlâ ben bâliğ ve reşîd olmağla meblağ-ı mezbûr iki bin akçenin bin akçesini babam mezbûr yedinden bi’t-tamam ahz u kabz edip bâkī bin akçeden babam mezbûrun zimmetini ibrâ ve ıskāt eyledim ba‘de’l-yevm mezbûrenin terekesine müte‘allika babam mezbûr ile da‘vâ ve nizâ‘ım ve alâka ve medhalim kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâmin min-Recebi’l-ferd li-sene isneyn ve seb‘în ve elf. Şuhûdu’l-hâl: es-Sâbıkūn.