İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 157 Hüküm no: 94 Orijinal metin no: [9b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin tarafından kiralanan Pîrî Paşa vakfına ait Mercan sukundaki odanın yangın geçirmesi sonuncu vakfa iade etmesi Mahmiye-i İstanbul’da Haydar Paşa mahallesinde sâkin Hüseyin b. ( ) meclis-i şer‘de Pîrî Paşa vakfına meşrûtiyyet üzere mütevellî olan fahrü’l-müderrisîni’l-kirâm Mehmed Efendi mahzarında ikrâr ve takrîr-i kelâm edip vakf-ı mezbûrdan Mercan sûkunda vâki‘ olup vâkıfına intimâ ile tahdîd ve tavsîfden müstağnî hânın sol tarafında beşinci oda icâre-i mu‘accele ve mü’eccele-i ma‘lûmeteyn ile tasarrufumda iken bin yetmiş senesi Zilka‘desi’nde vâki‘ olan harîkde muhterik olmağla ücret-i mü’eccelesini edâya iktidârım olmadığından mâ‘adâ binâya dahi kudretim olmamağla zikrolunan odadan kasr-ı yed eyledim taraf-ı vakfa kabz olunsun dedikde mâ hüve’l-vâki‘ bi’t-taleb ketb olundu. Fî 10 min-Recebi’l-ferd li-sene isneyn ve seb‘în ve elf. Şuhûdü’l-hâl: es-Sâbıkūn