İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 160 Hüküm no: 98 Orijinal metin no: [10a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Diyarbakır Mehmedpaşa mahallesinde Kirkor v. Toros’a ait evin Avanos v. Niçik’e satılması Mülknâme. Vilâyet-i Anadolu’da Diyârbekir’de Mehmed Paşa mahallesinden Kirkor v. Toros nâm Ermeni meclis-i şer‘de işbu bâ‘isü’s-sifr Avanos v. Niçik nâm Ermeni muvâcehesinde ikrâr ve takrîr-i kelâm edip mahalle-i mezbûrede vâki‘ bir tarafdan Şah Nazar mülküne ve bir tarafdan Ulu Bey mülküne ve bir tarafdan Kestel odaları ve bir tarafdan tarîk-i âmma müntehî hâriciyede bir bâb fevkānî oda ve dâhiliyede üç bâb tahtânî odaları ve bi’r-i mâ ve kenîfi ve havluyu müştemil mülk menzilimi mezbûr Avanos’a iki yüz riyâlî guruşa tarafeynden îcâb ve kabûlü hâvî bey‘-ı bâtt-ı sahîh-i şer‘î ile bey‘ ol dahi vech-i muharrer üzere iştirâ ve kabûl eyledikden sonra semeni olan meblağ-ı mezbûr iki yüz riyâlî guruşu mezbûr Avanos yedinden tamamen ahz u kabz edip menzil-i mezbûru mahâllinde kabz ve tesellüme mezbûr Avanos’u taslît eyledim. Ba‘de’l-yevm menzil-i mezbûr merkūm Avanos’un mülk-i müşterâsıdır. Keyfe mâ yeşâ ve yahtâr mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâmin ve’l-işrîn min-Recebi’l-ferd li-sene isneyn ve seb‘în ve elf. Şuhûdü’l-hâl: es-Sâbıkūn.