İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 168 Hüküm no: 107 Orijinal metin no: [11a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Debbağyunus mahallesinden Raziye bt. Yusuf ile Mehmed Beşe b. Ali’nin boşanma davası Muhâla‘a. Mahmiye-i İstanbul’da Debbağyunus mahallesi sâkinelerinden Râziye bt. Yusuf nâm hatun mahfil-i kazâda zevci bâ‘isü’l-kitâb Mehmed Beşe b. Ali mahzarında ikrâr ve takrîr-i kelâm edip zevcim mezbûr Mehmed Beşe zimmetinde mütekarrir ve ma‘kūdün-aleyh olan iki bin akçe mehr-i mü’eccelim ve nafaka-i iddet-i mu‘ayyene-i ma‘lûme üzerelerine ve me’ûnet-i süknâm dahi kendi üzerime olmak üzere muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete ve gayra müte‘allika olan âmme-i de‘âvî ve mutâlebât ve eymân ve muhâsamâtdan zimmetini ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-selh Recebi’l-ferd sene [10]72. Şuhûdü’l-hâl: Mehmed Çelebi b. Hüseyin, Rasûl [b.] Rıdvan, Abdi Çelebi b. Hüseyin Mehmed b. Safer.