İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 182 Hüküm no: 127 Orijinal metin no: [13a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koca Mustafa Paşa mahallesinden ekmekçi Markoz v. Kirakor ile Bahadır v. Karabet arasında alacak verecek kalmadığı Edâ-i deyn. Mahmiye-i İstanbul’da Koca Mustafa Paşa mahallesinde sâkin habbâz tâifesinden Markoz v. Kirakor nâm Ermeni meclis-i şer‘de işbu bâ‘isü’s-sifr Bahadır v. Karabet nâm Ermeni muvâcehesinde ikrâr ve takrîr-i kelâm edip mezbûr Bahadır zimmetinde yedimden müşterâ ve makbûz ekmek semeninden sekiz bin akçe hakkım olup meblağ-ı mezbûrdan yedi bin akçesini bir def‘ada iki bin akçesini hâlâ yedinden ahz u kabz edip mezbûr Bahadır zimmetinde meblağ-ı mezbûr sekiz bin akçeden bir akçe ve bir habbe hakkım bâkī kalmadı dedikde gıbbe’t-tasdîk mâ-vaka‘a bi’t-taleb ketb olundu. Fî 5 min-Şa‘bâni’l-mu‘azzam li-sene isneyn ve seb‘în ve elf. Şuhûdü’l-hâl: Şükrullah b. Mustafa, Abdi Çelebi b. Hüseyin, Rasûl b. Rıdvan, Hüseyin b. Ebîbekir, Mehmed b. Rıdvan.