İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 190 Hüküm no: 139 Orijinal metin no: [14b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çilingir esnafına enserici esnafının yardımı Mahmiye-i İstanbul’da Çilingirler kethudâsı Davol v. Tonik nâm Ermeni meclis-i şer‘de enserici tâifesinden yiğitbaşı Torado v. Davor ve Umurşa v. Sergiz ve Kirkor v. Toros ve Vatos v. Melek nâm Ermeniler muvâcehelerinde takrîr-i kelâm edip mâ-tekaddemden beri çilingirler tâifesi üzerlerine kazma ve kürek teklîfi nâzil-i evvelde tâife-i mezbûre dahi bizlere yamak olmağla dörder yüz akçe imdâd ile gelmişlerdir suâl olunup takrîrleri tahrîr olunmak matlûbumdur dedikde gıbbe’s-suâl mezbûrûn dahi cevâblarında fi’l-vâki‘ mâ-tekaddemden beri teklîf-i mezbûrda çilingirlere dörder yüz akçe verip imdâd ederiz deyü her biri tâyi‘an ikrâr etmekle ikrârları ketb ve tahrîr olunup yed-i tâlibine def‘ olundu. Fi’s-sâbi‘ min-Şa‘bâni’l-mu‘azzam li-sene isneyn ve seb‘în ve elf. Şuhûdü’l-hâl: Hüseyin Efendi el-Burûsî, Keşfî Mustafa Efendi el-kâtib, Ahmed Efendi el-kādî, Ahmed Çelebi b. Mahmud, Şükrullah b. Mustafa, Abdi Çelebi b. Mustafa, Baba Rasûl b. Rıdvan, Mehmed Efendi el-kâtib.