İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 194 Hüküm no: 144 Orijinal metin no: [15b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Palamutçu Yani v. Dimitri’nin Dimitri v. Kosta’dan alacağını alamadan firar etmesi sonucu kefillerinden alması İbrâ Palamutçu tâifesinden Yani v. Dimitri nâm zimmî meclis-i şer‘-i hatîr-i lâzımü’t-tevkīrde hâfızü’l-kitâb Dimitri v. Kosta ve Kosta v. Nikola nâm zimmîler ile İstimani bt. Pavlo nâm zimmîye muvâcehesinde tâyi‘an ikrâr ve takrîr-i kelâm edip gāib ani’l-meclis Dimitri nâm zimmî benden on bir bin akçe iktirâz ve kabz eyledikde mezbûrûn meblağ-ı mezbûra kefîller olup ba‘dehû meblağ-ı mezbûru merkūm Dimitri’den kabz eylemeden firâr etmekle kefâletlerine binâen mezbûrûndan taleb eylediğimde mezbûrûn kefâletlerini ikrâr edip lâkin mezbûrûn fakīr olmağla beş bin akçesini yedlerinden alıp mâ‘adâdan zimmetlerini ibrâ-i âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-hâmis min-Şa‘bâni’l-mu‘azzam li-sene isneyn ve seb‘în ve elf. Şuhûdü’l-hâl: Hüseyin Efendi el-Burûsî kâtibü’l-hurûf, Şükrullah b. Mustafa, Keşfî Mustafa Efendi el-kâtib, Mehmed Çavuş b. el-mübâşir, Ahmed Çelebi b. Mahmud, Kosta veled-i Yorgi, Yemandi v. Kostantin, Dimitri v. Yani.