İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 196 Hüküm no: 147 Orijinal metin no: [15b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Papadya v. Apostol’un Ali Beşe b. Mustafa’da olan parasının alıverilmesi İkrâr-ı deyn. Mahmiye-i İstanbul’da Mumcu tâifesinden bâ‘isü’s-sifr Papadya v. Apostol nâm zimmî meclis-i şer‘de Ali Beşe b. Mustafa mahzarında üzerine da‘vâ ve takrîr-i kelâm edip mezbûr Ali Beşe zimmetinde beynimizde vakıyyesi ma‘lûm sekiz sırık mum semeninden dört bin dört yüz akçe hakkım vardır hâlâ mezbûrdan suâl olunup alıverilmek murâdımdır dedikde gıbbe’s-suâl mezbûr Ali Beşe cevâbında fi’l-vâki‘ müdde‘î-yi mezbûra mum semeninden dört bin dört yüz akçe zimmetimde vâcibü’l-edâ ve lâzımü’l-kazâ deynim vardır deyü bi-tav‘ihiikrâr ve i‘tirâf etmeğin mûcebince meblağ-ı mezbûr dört bin dört yüz akçeyi müdde‘î-yi mezbûr Papadya’ya edâ ve teslîme merkūm Ali Beşe’ye tenbîh birle mâ-vaka‘a bi’t-taleb ketb olundu. Fi’s-sâbi‘ min-Şa‘bâni’l-mu‘azzam li-sene isneyn ve seb‘în ve elf. Şuhûdü’l-hâl: es-Sâbıkūn.