İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 201 Hüküm no: 156 Orijinal metin no: [16b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Görice’ye bağlı Opar köyünde Atnaz veledi Koç’a ait bağın Minçev v. Zupan’a satılması Mülknâme. Vilâyet-i Rumeli’nde Görice nâm kasabaya tâbi‘ Opar nâm karyede sâkin Atnaz veledi Koç nâm zimmî meclis-i şer‘de işbu hâmilü’s-sifr Minçev v. Zupan nâm zimmî muvâcehesinde ikrâr ve takrîr-i kelâm edip karye-i mezbûre kurbünde vâki‘ bir tarafdan Boyko nâm [kimesne] bağına ve bir tarafdan bâdiye ve tarafeyni çay ile müntehî babam mezbûr Koç’dan ırsen intikāl eden tahmînen beş çapalık mülk bağımı tarafeynden îcâb ve kabûlü hâvî bey‘-ı bâtt-ı sahîh-i şer‘î ile mezbûr Minçev zimmîye yedi yüz râyic fi’l-vakt akçeye bey‘ edip ol dahi minvâl-i muharrer üzere iştirâ ve kabûl eyledikden sonra semeni olan meblağ-ı mezkûr yedi yüz akçeyi yedinden tamamen alıp kabz edip mezbûr Minçev’i bağ-ı mezbûru mahâllinde kabz ve tasarrufa taslît eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: Mustafa Beşe b. Abdullah, Hasan Beşe b. Osman, el-Hâc Ahmed b. Mahmud, Abdi Çelebi b. Hüseyin, Şükrullah b. Mustafa.