İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 220 Hüküm no: 170 Orijinal metin no: [20b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bir vakfa ait evin ihtiyaç sahibi olan Mehmed Efendi’ye tahsisi Mahmiye-i İstanbul’da ( ) mahallesinde vâki‘ merhûm vakf ve süknâsını ulemâdan bir recül-i sâlihe şart ve ta‘yîn eylediği bir tarafı merhûm Mustafa Ağa veresesi mülklerine ve bir tarafı ( ) mülküne ve bir tarafı ( ) mülküne ve bir tarafı tarîk-i âmma müntehî iki bâb fevkānî odaları müştemil menzile ber-mûceb-i şart-ı vâkıf mutasarrıf olan Mustafa Efendi fevt olup menzil-i mezbûr mahlûl olmağla işbu bâ‘isü’r-rakīm Mehmed Efendi ( ) meskene eşedd-i ihtiyâçla muhtâc olmağla ber-mûceb-i şart-ı vâkıf menzil-i mezbûr merhûm Mehmed Efendi’ye tevcîh olunup tasarrufu için bu vesîka ketb ve yed-i tâlibe def‘ olundu. Fi’l-hâmis aşer min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: Hüseyin Efendi b. el-Bursa, Keşfî Mustafa Efendi, Ahmed Efendi, muharrirü’l-hurûf Mehmed, Mehmed Ağa b. Mahmud, Hasan Beşe çukadâr, Şükrullah b. Mustafa, Ahmed Çelebi kethudâ-yı muhzırîn.