İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 232 Hüküm no: 186 Orijinal metin no: [22b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dülgerzâde mahallesindenden Havva bt. Mustafa ile Mehmed Beşe b. Hasan’ın boşanması Mahmiye-i İstanbul’da Dülgerzâde mahallesinde sâkine Havva bt. Mustafa nâm hatun meclis-i şer‘-i hatîr-i lâzımü’t-tevkīrde zevci işbu bâ‘isü’l-kitâb Mehmed Beşe b. Hasan nâm râcil mahzarında ikrâr ve takrîr-i kelâm edip zevcim mezbûr Mehmed Beşe zimmetinde mütekarrer ve ma‘kūdün-aleyh olan altı yüz akçe mehr-i mü’eccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Mehmed Beşe ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl eyledikden sonra zevciyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘u’’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ aşer min-Şa‘bâni’l-mu‘azzam li-sene isneteyn ve seb‘în ve elf Şuhûdü’l-hâl: Şükrullah b. Mustafa, Veli b. Mahmud, Abdi Çelebi b. Hüseyin, Mustafa Çelebi b. İsa, Mustafa Çelebi.