İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 232 Hüküm no: 187 Orijinal metin no: [23a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâtib Kasım mahallesinden Yagop v. Doreş’in arsasını Sahak v. Vador’a satması Mahmiye-i İstanbul’da Kâtib Kasım mahallesinde mütemekkin Yagop v. Doreş nâm Ermeni meclis-i şer‘-i hatîrde işbu hâmilü’s-sifr Sahak v. Vador nâm Ermeni muvâcehesinde tâyi‘an ikrâr ve takrîr-i kelâm edip akd-i âtî sudûruna değin silk-i mülk-i sahîhimde münselik ve hakkım olup mahalle-i mezbûrede vâki‘ bir tarafdan yine kendi âhar mülküm ve bir tarafdan Kürkçübaşı Vakfı’ndan olup Kestosder nâm Ermeni tasarrufunda olan menzil ve iki tarafdan tarîk-i âm ile mahdûd bin yetmiş Zilka‘desinin on altıncı günü vâki‘ olan harîkde muhterik tûlen ve arzan bi-hesâb-ı terbî‘î iki yüz on altı zirâ‘ menzil arsasının her zirâ‘ı yüz yetmiş beşer akçeden otuz yedi bin sekiz yüz akçeye kâffe-i hukūk [ve] merâfıkı ile mezbûr Sahak’a bâtten bey‘ ve teslîm ol dahi minvâl-i muharrer üzere nefsi için mâlıyla iştirâ ve tesellüm ve kabûl eyledikden sonra semeni olan meblağ-ı mezbûr otuz yedi bin sekiz yüz akçeyi bi’t-tamam ve’l-kemâl mezbûr Sahak yedinden alıp kabz eyledim arsa-i mahdûde-i mezbûre merkūm Sahak’ın mülk-i müşterâsıdır mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâlis aşer min-Şa‘bâni’l-mu‘azzam li-sene isnâ ve seb‘în ve elf Şuhûdü’l-hâl: İbrahim Efendi b. Mehmed el-imâm, Ahmed Halîfe el-müezzin, Musa Halîfe el-kayyum, İsmail Çelebi b. Ahmed, Şükrullah b. Mustafa, Abdi Çelebi b. Hüseyin, Resül b. Rıdvan.