İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 233 Hüküm no: 189 Orijinal metin no: [23a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nişastacıların kethudası Ahmed b. Abdullah azledilerek yerine Nasuh b. Hüseyin’in getirilmesi Mahmiye-i İstanbul’da vâki‘ nişastacı tâifesinin ihtiyârlarından Halil Beşe b. Mirzaoğlu b. Abdullah ve Ahmed b. Abdullah ve Mustafa b. Mehmed ve Seydi b. Yusuf nâm kimesneler ve sâirleri meclis-i şer‘-i hatîrde takrîr-i kelâm edip mukaddemâ kethudâmız olan Ahmed b. Abdullah nâm kimesne kethudâlık uhdesinden gelmeğe kudreti olmamağın azl olunup yerine cümlemizin muhtârı olan işbu râfi‘u’l-kitâb Nasuh b. Hüseyin nâm kimesne üzerimize kethudâ nasb u ta‘yîn olunmak murâdımızdır dediklerinde kıbel-i şer‘den mezbûr Nasuh mezbûrânın üzerlerine kethudâ nasb olundukda ol dahi kabûl ve hidemâtın edâya ta‘ahhüd etmeğin mâ-vaka‘a li-ecli’t-temessük bi’t-taleb ketb olundu. Fi’l-yevmi’r-râbi‘ aşer min-Şa‘bâni’l-mu‘azzam li-sene isneyn ve seb‘în ve elf Şuhûdü’l-hâl: Şaban Bey b. Ramazan, el-Hâc Ahmed b. Mahmud Kethudâ-yı muhzırân, Mehmed b. Ramazan, Osman b. Abdullah, Resül b. Rıdvan.