İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 269 Hüküm no: 234 Orijinal metin no: [29a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Efendi’nin vakfettiği zaviyeye Ali Bey’in mütevelli tayin edildiği Nasb-ı kāimmakām-ı mütevellî. Mahmiye-i İstanbul’da Mahmud Paşa Câmi‘i kurbünde Serv mahallesinde merhûm eş-Şeyh Halil Efendi’nin binâ ve vakf eylediği zâviyesinin hasbî mütevellîsi olan eş-Şeyh Ali Efendi b. Mehmed meclis-i şer‘de işbu bâ‘isü’l-kitâb Ali Bey b. İbrahim mahzarında ikrâr edip mezbûr Ali Bey tarafından vakf-ı mezbûrun umûrunu görmeye kāimmakām nasb ve ta‘yîn olunmak murâdımdır dedikde taraf-ı şer‘den mezbûr Ali Bey vakf-ı mezbûra kāimmakām mütevellî nasb ve ta‘yîn olundukda ol dahi kabûl ve hıdemâtını edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâdis ve’l-işrîn min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: Şaban Bey b. Ramazan, Mehmed Çelebi b. Muslı, Hasan Çelebi b. Halil, Ahmed b. Mehmed.