İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 269 Hüküm no: 235 Orijinal metin no: [29a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun Vakfı’na Ali Efendi’nin mütevelli tayin edildiği Nasb-ı hasbî tevliyet. Mahmiye-i İstanbul’da Mahmud Paşa Câmi‘i kurbünde Serv mahallesinde vâki‘ merhûme Fâtıma Hatun Vakfı’ndan olan arsa üzerine merhûm eş-Şeyh Halil Efendi’nin binâ ve vakf eylediği mahzen zâviye ve hucurâtın mütevellîsi olmamağın zikrolunan zâviyede hâlâ meşrûtiyet üzre şeyh olan umdetü’s-sâlikîn eş-Şeyh Ali Efendi b. Mehmed cânib-i şer‘den vakf-ı mezbûra hasbî mütevellî nasb ve ta‘yîn olundukda ol dahi kabûl ve hıdemâtını edâya müte‘ahhid olmağın mâ hüve’l-vâki‘ bi’t-taleb ketb olundu. Fi’r-râbi‘ ve’l-işrîn min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: es-Sâbıkūn.