İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 292 Hüküm no: 266 Orijinal metin no: [33a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marat v. Sinan’la Ohan isimli zımmilerin yanan ev yerini Yuvan’a sattıkarı Mülknâme. Mahmiye-i İstanbul’da Dülbendci Hüsam mahallesi sâkinlerinden Kordo v. Sahtiyar nâm zimmî meclis-i şer‘de Marat v. Sinan ve Kürk Marat’ın oğlu Ohan nâm zimmî mahzarında bi’t-tav‘i’s-sâf ikrâr ve i‘tirâf edip mahalle-i mezbûrda vâki‘ bir tarafı Tahsin Bali mülküne ve bir tarafdan Serkiz v. Eyvan nâm Ermeni mülküne ve bir tarafdan Nikogos v. Avanos mülkü ve bir tarafdan tarîk-i hâs ile mahdûd muhrek mülk menzilimin binâ ve zirâ‘ı ile tûlen ve arzan hesâb-ı satrancî yüz yetmiş zirâ‘ arsası mezbûrân Marat ve Ohan yirmi bin vakf-ı râyic fi’l-vakt akçeye iştirâ ve kabûl ve teslîm eylediklerinden sonra semeni olan meblağ-ı mezkûr yirmi bin akçeyi mezbûr Yuvan’ın yedlerinden tamamen ahz u kabz edip arsa-i merkūme mezbûrların mülk-i müşterâlarıdır keyfe mâ yeşâ mutasarrıfân olsunlar dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-işrîn min-Recebi’l-ferd li-sene isnâ ve seb‘în ve elf. Şuhûdü’l-hâl: Halil Efendi b. İbrahim, İbrahim Çelebi b. el-müezzin, Hasan Bey b. İbrahim, Mehmed Halîfe b. Rıdvan, Rasûl b. Rıdvan, Abdurrahman b. Mehmed, Mehmed Efendi.