İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 292 Hüküm no: 267 Orijinal metin no: [33a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abraham v. Mosif isimli Ermeni arsasını Hoca Hisar v. Avanos’a sattığı Mülknâme. Mahmiye-i İstanbul’da Kâtip Kasım mahallesinde sâkin Abraham v. Mosif nâm Ermeni meclis-i şer‘de hâfızü’l-kitâb Hoca Hisar v. Avanos muvâcehesinde tav‘an ikrâr ve takrîr-i kelâm edip mahalle-i mezbûrda vâki‘ bir tarafı kendi mülküme ve iki tarafı mezbûr Hoca Hisar mülküne ve bir tarafı tarîk-i hâssa müntehî mülk arsamı içinde olan nıkzı ile dokuz bin akçeye mezbûr Hoca Hisar’a bey‘ u teslîm ol dahi iştirâ ve tesellüm ve semeni olan meblağ-ı mezbûr dokuz bin akçeyi yedinden kabz eyledim min-ba‘d arsa-i mezbûra ve nıkz-ı merkūm mezbûr Hoca Hisar’ın mülk-i müşterâsı olup keyfe mâ yeşâ ve yahtâr mutasarrıf olsun dedikde gıbbe’t-tasdîk mâ-vaka‘a bi’t-taleb ketb olundu. Şuhûdü’l-hâl: Abdurrahman Efendi el-imâm, Hüseyin Efendi el-Burûsî, Mustafa b. Abdullah er-râcil, İbrahim b. Abdullah, Sanan Kethudâ v. Magob, Asdar v. Mosi, Agob v. Berdos, Moiz v. Refrena, Ağyar v. Togar, Bağdasar v. Hatar.