İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 293 Hüküm no: 269 Orijinal metin no: [33b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe b. Osman’ın iki dönüm mülk bağını Receb Halife b. Himmet’e sattığı İştirâ-i bağ. Vilâyet-i Anadolu’da Pazarköy nâm kasaba tevâbi‘inden Nâzıra nâm karye sâkinlerinden Mehmed Beşe b. Osman nâm kimesne meclis-i şer‘de işbu bâ‘isü’l-kitâb Receb Halîfe b. Himmet mahzarında ikrâr ve takrîr-i kelâm edip karye-i mezbûrda vâki‘ bir tarafdan Mustafa bağına ve bir tarafdan İsmail b. Veli bağına ve bir tarafdan Ali b. Mehmed tarlasına ve bir tarafdan tarîk-i âm ile mahdûd tahmînen iki dönüm mülk bağı iki bin dört yüz nakd-i râyic fi’l-vakt akçeye mezbûr Receb Halîfe’ye tarafeynden îcâb ve kabûlü hâvî bey‘-ı bâtt-ı sahîh-i şer‘î ile bey‘ ol dahi vech-i muharrer üzere iştirâ ve kabûl eyledikden sonra semeni olan meblağ-ı mezkûr iki bin dört yüz akçeyi merkūm Receb Halîfe yedinden bi’t-tamam ve’l-kemâl ahz u kabz eyledikden sonra bağ-ı mezkûru mahâllinde kabz ve teslîme taslît eyledim fîmâ-ba‘d bağ-ı mezbûr merkūm Receb’in mülk-i müşterâsıdır keyfe mâ yeşâ ve yahtâr mutasarrıf olsun dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî-yevmi’r-râbi‘ ve’l-işrîn min-Recebi’l-ferd li-sene isnâ ve seb‘în ve elf. Şuhûdü’l-hâl: Ahmed b. el-Hâc Ebûbekir, Hasan b. Himmet, İbrahim b. Mehmed, Abdi Çelebi b. Hüseyin, Mustafa b. Halil, Mehmed b. Ramazan, Veli b. Mahmud