İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 299 Hüküm no: 275 Orijinal metin no: [34b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer Çelebi’nin Rus asıllı kölesi Zülfikâr b. Abdullah’ın azat edildiği Tedbîr. Ve yine vekâleti şer‘an sâbit olan Osman b. Murtaza nâm kimesne meclis-i şer‘de bi’l-vekâle ikrâr ve takrîr-i kelâm edip müvekkilelerim mezbûretânın mûrisleri müteveffâ-yı mezbûr Ömer Çelebi hâl-i hayatında kendüye rıkkını mu‘terif olan orta boylu açık kaşlı gök elâ gözlü Rusiyyü’l-asl râfi‘u’l-kitâb Zülfikar b. Abdullah nâm abd-i memlûkünü tedbîr-i mutlak ile müdebbir eylemiş idi müvekkilelerim mezbûr Zülfikar’ın ıtkını tecvîz eylediler ba‘de’l-yevm mezbûr Zülfikar’ın sâir ahrâr-ı asliyyîn gibi hürdür üzerinde velâdan gayri hakkı yokdur dedikde vâki‘u’l-hâl bi’t-taleb ketb olundu. Fî 21 min-Recebi’l-ferd sene [10]73. Şuhûdü’l-hâl: es-sâbıkūn.