İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 302 Hüküm no: 281 Orijinal metin no: [35a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe b. Osman’ın Filorona v. Armağan’a olan borcunu edaya tenbih olunması İkrâr-ı deyn. Mahmiye-i İstanbul’da Yedikule hâricinde sâkin işbu bâ‘isü’s-sifr Filorona v. Armağan nâm zimmî mahfil-i kazâda Mehmed Beşe b. Osman mahzarında üzerine da‘vâ ve takrîr-i kelâm edip mezbûr Mehmed Beşe zimmetinde adedi beynimizde ma‘lûm yedimden müşterâ ve makbûz altı sırık mum semeninden üç bin üç yüz akçe hakkım vardır hâlâ mezbûr Mehmed Beşe’den taleb ederim suâl olunsun dedikde gıbbe’s-suâl mezbûr Mehmed Beşe cevâbında fi’l-vâki‘ müdde‘î-i mezbûr Filorona’ya altı sırık mum semeninden üç bin üç yüz akçe zimmetimde vâcibü’l-edâ ve lâzımü’l-kazâ deynim vardır deyü bi-tav‘ihiikrâr ve i‘tirâf etmeğin ikrârı mûcebince müdde‘î-i mezbûra üç bin üç yüz akçeyi edâ ve teslîme mezbûr Mehmed Beşe’ye tenbîh birle mâ-vaka‘a bi’t-taleb ketb olundu. Fî-gurreti Ramazan li-sene isnâ ve seb‘în ve elf. Şuhûdü’l-hâl: Mehmed Çelebi, Ahmed b. el-Hâc Abdülcabbar, Rasûl b. Rıdvan, Osman Beşe b. Şaban, Ahmed Efendi b. Hanefî.