İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 305 Hüküm no: 286 Orijinal metin no: [35b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. David v. Orham’ın Sahak’tan alacağını borcuna mukabil Hasan Efendi b. Hüsameddin’e havale ettiği Taksît ve havale mebağ 33000. Dârü’l-hilâfeti’l-aliyye Kostantıniyyeti’l-mahmiyede el-Hâc İsa mahallesinde sâkin David v. Orham Yahûdî meclis-i şer‘de Hasan Efendi b. Hüsameddin mahzarında ikrâr ve i‘tirâf edip mezbûr Hasan Efendi’nin işbu hâzıra bi’l-meclis Sahak nâm Ermeni zimmetinde deyn-i şer‘îden yirmi iki bin akçe hakkı olup benim dahi mezbûr Sahak’a ayda dörder yüz akçe vermek üzere mukassat-ı deyn-i şer‘îden altı bin akçe deynim olup meblağ-ı mezbûr altı bin akçeyi mezbûr Sahak yedinden merkūm Hasan Efendi’ye işbu meclisde havâle-i sahîha-i şer‘iye ile havâle edip ol dahi havâle-i mezbûreyi kabûl ve deyn-i mezbûru edâya ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-hâmis ve’l-işrîn min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: el-Hâc Mustafa Efendi b. Ahmed, Kadri Efendi b. ( ), Ahmed Çelebi b. Mahmud, Rasûl b. Rıdvan