İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 306 Hüküm no: 287 Orijinal metin no: [35b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Dimo’nun Emine bt. Ali’ye borçlu olduğu İkrâr-ı deyn. Mahmiye-i İstanbul’da Müfettiş? hamamı kurbünde ekmekçi tâifesinden Yani v. Dimo nâm zimmî meclis-i şer‘-i hatîrde hâfızü’l-vesîka Emine bt. Ali nâm hatun mahzarında tav‘an ikrâr ve takrîr-i kelâm edip mezbûre Emine Hatun’a cihet-i karzdan zimmetimde vâcibü’l-edâ ve lâzımü’l-kazâ on bin akçe deynim vardır dedikde mukırr-ı mezbûru ikrâr-ı meşrûhunda merkūme Emine Hatun dahi vicâhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Fî-gurreti Ramazani’l-mübârek li-sene isnâ ve seb‘în ve elf. Şuhûdü’l-hâl: es-Sâbıkūn.