İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 317 Hüküm no: 299 Orijinal metin no: [37b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fazlullah Çelebi’ye Rahime bt. Abdullah’ın verasetinden düşen miktarı İsa Beşe b. Mehmed’den tahsil ettiği Mahmiye-i İstanbul’da Kâtib Kasım mahallesinde sâkin iken bundan akdem fevt olan Rahime bt. Abdullah’ın verâseti zevc-i metrûku İsa Beşe b. Mehmed’e ve mu‘takı Evliyâ Efendi’nin oğlunun oğlu ve velâ-yı ıtâk vârisi Fazlullah Çelebi’ye münhasıra olduğu şer‘an bâhir ve ta‘ayyün oldukdan sonra mezbûr Fazlullah meclis-i şer‘de tereke-i müteveffâ-yı mezbûra vâzı‘u’l-yed olan bâ‘isü’r-rakīm mezbûr İsa Beşe mahzarında ikrâr ve i‘tirâf edip müteveffâ-yı mezbûrun cemî‘ terekesi iki bin akçe olmağla meblağ-ı mezbûrun nısfı bana ve nısf-ı âharı mezbûr İsa Beşe’ye isâbet ve intikāl etmeğin meblağ-ı mezbûrun nısfı olan meblağ-ı mezbûr bin akçeyi mezbûr İsa Beşe yedinden ahz u kabz edip tereke-i müteveffâ-yı mezbûra müte‘allika mezbûr İsa Beşe ile vechen mine’l-vücûh da‘vâ ve nizâ‘ım ve alâka ve medhalim yokdur kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî-gurreti şehr-i Ramazani’l-mübârek li-sene isnâ ve seb‘în ve elf. Şuhûdü’l-hâl: Ahmed Ağa b. Mustafa Efendi el-müteferrika, Ali Çelebi b. Mehmed, Seyyid Mehmed Çelebi b. Seyyid Mustafa, Mustafa Beşe b. İbrahim Efendi, İbrahim Çelebi b. el-müezzin, Ali Çelebi b. ( ), İmâm Mehmed Efendi b. ( ), Mahmud b. Ali.