Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 87 Hüküm no: 69 Orijinal metin no: [10b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musto v. Tamo’nun bağını istiğlâl yoluyla Ali Çelebi’ye sattığı Mahrûse-i Üsküdar kazâsına tâbi‘ Kartal nâm karye sâkinlerinden Musto v. Tamo nâm zimmî makām-ı kazâda mahmiye-i İstanbul’da Hoca Hayreddin Mahallesi’nde sâkin işbu sâhibü’l-kitâb Ali Çelebi b. el-Hâc Mustafa nâm kimesne muvâcehesinde ikrâr u i‘tirâf edip karye-i mezbûrede vâki‘ bir tarafı Korma nâm zimmî mülkü ve bir tarafı Yorgi nâm zimmî mülkü ve bir tarafı Kostantin nâm zimmî mülkü ve bir tarafı tarîk-i âm ile mahdûd olup tahmînen yirmi beş ırgatlık bağımı on bin akçeye mezbûr Ali Çelebi’ye bey‘ edip ol dahi bi-tarîkı’l-istiğlâl kendi malıyla nefsi’çün iştirâ ve kabûl eyleyip ba‘de’t-tahliyye ve’t-tekābuz zikr olunan bağı târîh-i kitâbdan bir sene tamamına değin bin beş yüz akçeye istîcâr eyleyip ol dahi îcâr ve teslîm eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-Şa‘bâni’l-mu‘azzam li-sene selâse ve sittin ve elf. Şuhûdü’l-hâl: Himmet Beşe b. Mehmed, İsmail Çelebi b. İvaz Efendi el-Vâ‘iz, Hasan Beşe b. Hamza, Rıdvan Beşe b. Abdullah.