İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 330 Hüküm no: 318 Orijinal metin no: [40a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çelebi b. Mehmed’in Rus asıllı kölesi Mülayim bt. Abdullah’ı azat ettiği Itk-nâme. Dârü’l-hilâfeti’l-aliyye Kostantıniyyeti’l-mahmiyede Manisalı Çelebi mahallesinde sâkin İbrahim Çelebi b. Mehmed meclis-i şer‘de ikrâr-ı sahîh-i şer‘î ve i‘tirâf-ı sarîh-i mer‘î kılıp bana rıkkını mu‘terife olan açık kaşlı gök elâ gözlü orta boylu işbu bâ‘isetü’r-rakīm Rusiyyyetü’l-asl Mülâyim bt. Abdullah nâm câriye-i memlûkemi hasbeten lillâhi te‘âlâ ve taleben li-merzâti rabbihi’l-a‘lâ tahrîr ve i‘tâk ve silk-i harâyir-i asliyâta idrâc ve ilhâk eyledim ba‘de’l-yevm mezbûre Mülâyim sâir harâyir-i asliyât gibi hürre olup üzerinde velâdan gayri hakkım bâkī kalmadı dedikde vâki‘u’l-hâl bi’t-taleb ketb olundu. Fi’l-yevmi’l-hâmis min-şehr-i Ramazani’l-mübârek li-sene isneyn ve seb‘în ve elf Şuhûdü’l-hâl: Hâfız Mehmed Efendi b. Rüstem, İbrahim Odabaşı b. Hasan, Mahmud Çelebi b. İbrahim, Seyyid Mehmed Çelebi b. Seyyid Ahmed, Üveys Beşe b. Abdullah, Mustafa Beşe b. Abdullah.