İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 331 Hüküm no: 321 Orijinal metin no: [40a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Abdullah’ın Fâtıma bt. Himmet’e mehrinden kalan borcunu ödemesi gerektiği Mehr-i müeccelinden iki bin akçe teslîme hükm. Havâss-ı aliyye mahallâtından İslâm mahallesinde sâkine Fâtıma bt. Himmet nâm bikr-i bâliğanın tarafından mehr-i câ’i’z-zikri da‘vâ ve taleb ve ahz u kabza ve kendüye îsâle sâbitü’l-vekâle vekîli olan mezbûre Fâtıma’nın babası Ahmed b. Ali nâm kimesne meclis-i şer‘de el-Hâc Ali b. Abdullah mahzarında üzerine bi’l-vekâle da‘vâ ve takrîr-i kelâm edip târih-i kitâbdan bir buçuk sene mukaddem mezbûr el-Hâc Ali kızım mezbûre Fâtıma’yı dört bin akçe mehr-i müeccel-i müsemmâ üzerine akd-i nikâh edip gaybet eylemiş idi hâlâ mezbûreyi yine kable’d-duhûl talâk-ı bâyin ile tatlîk etmeğin zimmetinde mütekarrir ve ma‘kūdün-aleyh dört bin akçe mehr-i müeccelinin lâzım gelen iki bin akçesini vekâletim hasebiyle mezbûr el-Hâc Ali’den müvekkilem için taleb ederim suâl olunsun dedikde gıbbe’s-suâl mezbûr el-Hâc Ali cevâbında kazıyye tafsîli mürûr eden vech-i muharrer üzere olduğunu bi-tav‘ihiikrâr ve i‘tirâf etmeğin i‘tirâfı üzerine mehr-i müeccel-i merkūmun nısfı iki bin akçeyi mezbûr Ahmed’e edâ ve teslîme mezbûr el-Hâc Ali’ye tenbîh birle mâ-vaka‘a bi’t-taleb ketb olundu. Fi’s-sânî min-şehr-i Ramazani’l-mübârek li-sene isnâ ve seb‘în ve elf. Şuhûdü’l-hâl: Deli? Veli b. Ahmed, el-Hâc Ahmed b. Mahmud, Mustafa b. Ali, Kasab Mustafa b. Ali, Abdi Çelebi b. Hüseyin.