İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 339 Hüküm no: 331 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Abdurrahman’ın boşadığı Hatice bt. Abdullah’a mihir borcunu ödemesi tenbihi Hüccet-i talâk-ı bâyin. Mahmiye-i İstanbul’da Demirhan mahallesi sâkinelerinden Hadîce bt. Abdullah nâm hatun mahfil-i kazâda zevc-i mutallıkı İbrahim b. Abdurrahman nâm kimesne mahzarında üzerine da‘vâ ve takrîr-i kelâm edip mezbûr İbrahim zevcim olup beni talâk-ı bâyin ile tatlîk etmeğin zimmetinde mütekarrir ve ma‘kūdün-aleyh olan bin akçe mehr-i müeccelim zimmetinde kalmış idi hâlâ taleb ederim suâl olunsun dedikde gıbbe’s-suâl mezbûr İbrahim cevâbında fi’l-vâki‘ müdde‘iyye-i mezbûreye cihet-i mezbûreden zimmetimde bin akçe vâcibü’l-edâ deynim vardır deyü bi-tav‘ihiikrâr ve i‘tirâf etmeğin alâ-mûceb-i ikrârihî meblağ-ı mezbûr bin akçeyi müdde‘iyye-i mezbûreye edâ ve teslîme mezbûr İbrahim’e tenbîh birle mâ hüve’l-vâki‘ bi’t-taleb ketb olundu. Fi’s-sâbi‘ ve’l-işrîn min-Şa‘bâni’l-mu‘azzam li-sene isnâ ve seb‘în ve elf. Şuhûdü’l-hâl: el-Hâc Ahmed b. Mahmud, Şükrullah b. Mustafa, Abdi Çelebi b. Hüseyin, Rasûl b. Rıdvan, Veli b. Mahmud.