İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 341 Hüküm no: 335 Orijinal metin no: [42a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Yahya’nın kocası Habib b. Şaban’dan boşandığı Hul‘. Mahmiye-i İstanbul’da Hobyar mahallesinde sâkine Sâliha bt. Yahya nâm hatun meclis-i şer‘-i hatîrde zevc-i muhâlı‘ı bâ‘isü’l-kitâb Habib b. Şaban nâm kimesne mahzarında ikrâr ve takrîr-i kelâm edip zevcim mezbûr Habib zimmetinde mütekarrir ve ma‘kūdün-aleyh olan râyic fi’l-vakt beş yüz akçe mehr-i mü’eccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere mezbûr Habib ile muhâla‘a-i sahîha-i şer‘iye ile muhâla‘a edip ol dahi hul‘-ı mezbûru kabûl ettikden sonra her birimiz âharın zimmetini ibrâ ve ıskāt eyledik dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâbi‘ min-Ramazani’l-mübârek li-sene isnâ ve seb‘în ve elf. Şuhûdü’l-hâl: Süleyman Beşe b. Abdullah, Kurd Beşe b. Abdullah, Taşcı Ahmed Beşe b. Abdullah, Mehmed b. Ramazan.