İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 345 Hüküm no: 341 Orijinal metin no: [42b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçük Ayasofya’da mutasarrıfı Ahmed Efendi’nin vefatıyla mahlûl kalan vakfın ulemadan Muharrem Efendi’ye tevcih olunduğu Tevcîh-i süknâ. Mahmiye-i İstanbul’da Küçük Ayasofya mahallesnde vâki‘ bir tarafı Mahmud Bey mülküyle ve tarafeyni Yakub Efendi mülküyle ve taraf-ı râbi‘i tarîk-i âm ile mahdûd merhûm ( ) vakıf ve süknâsı ulemâdan bir recül-i sâliha şart eylediği menzilin mutasarrıfı olan Ahmed Efendi fevt olup menzil-i mezbûr mahlûl olup işbu râfi‘u’l-kitâb ulemâ-i âmilîden Muharrem Efendi b. ( ) meskene eşedd-i ihtiyâc ile muhtâc olmağın ber-mûceb-i şart-ı vâkıf menzil-i mezbûr mûmâ-ileyh Muharrem Efendi’ye tevcîh olunup vâki‘u’l-hâl ketb olunup yedine def‘ olundu. Fî evâil-i şehr-i Ramazani’l-mübârek li-sene 1073. Şuhûdü’l-hâl: Fahrü’l-müderrisîn Hüseyin Efendi, Mustafa Efendi el-müderris, Fahrü’l-envâr Ahmed Ağa, Ali b. Oruç, Mehmed Ağa b. Mahmud, Hüseyin Çelebi b. Halil, Şükrullah b. Mustafa, Gazenfer b. Tevekkül, Abdi b. Hasan.