İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 355 Hüküm no: 354 Orijinal metin no: [44a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe b. Abdullah’ın Ali Beşe b. Mehmed’den alacak davasının reddedildiği Yemîn. Dergâh-ı âlî yeniçerileri ağası kapısında mehter tâifesinden Mustafa Beşe b. Abdullah meclis-i şer‘de Ali Beşe b. Mehmed mahzarında üzerine da‘vâ ve takrîr-i kelâm edip mezbûr Ali Beşe zimmetinde karz-ı şer‘îden bin akçe hakkım ve dahi gāib ani’l-meclis Mehmed b. ( ) zimmetinde kezâlik karzdan hakkım olan on beş bin akçeye mezbûr kefîl bi’l-mâl olmağın min-ciheti’l-asâle zimmetine lâzım gelen bin akçe ile min-ciheti’l-kefâle lâzın gelen on beş bin akçeyi suâl olunup alıverilmesi matlûbumdur dedikde gıbbe’s-suâl mezbûr Ali Beşe müdde‘î-i merkūmun cümle müdde‘âsını bi’l-külliye inkâr ettiği müdde‘î-i merkūmûn müdde‘âsını mübeyyin beyyine taleb olundukda ityân-ı beyyineden izhâr-ı acz edip istihlâf etmeğin mezbûr Ali Beşe’ye inkâr-ı mezkûru için yemîn teklîf olundukda ol dahi alâ-vefki’l-mesûl yemîn billâhi te‘âlâ eyledikde müdde‘î-i merkūm bilâ-beyyine mu‘ârazadan men‘ birle mâ-vaka‘a bi’t-taleb ketb olundu. Fi’t-tâsi‘ min-Ramazani’l-mübârek li-sene isnâ ve seb‘în ve elf. Şuhûdü’l-hâl: Mehmed el-kâtib, Gazanfer b. Tevekkül, Abdi b. Hüseyin, Mustafa b. Mehmed, el-Hâc Ahmed b. Mahmud, Mehmed b. Ramazan.