İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 362 Hüküm no: 362 Orijinal metin no: [45b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın Rus asıllı cariyesini Dimo v. Yani’ye sattığı Zarara zâmin. Dârü’l-hilâfeti’l-aliyye Kostantıniyyeti’l-mahmiyede Tahta Minâre mahallesinden Mehmed b. Abdullah meclis-i şer‘de işbu bâ‘isü’s-sifr Dimo v. Yani nâm zimmî muvâcehesinde ikrâr ve i‘tirâf edip hâlâ memlûkem olan işbu zimmiye Rusiyyetü’l-asl câriyemi mezbûr Dimo’ya bâtten sekiz bin akçeye bey‘ u teslîm ol dahi vech-i muharrer üzere iştirâ ve kabûl eyledikden sonra semeni olan meblağ-ı mezbûr sekiz bin akçeyi mezbûr Dimo yedinden bi’t-tamam ahz u kabz eyledim dedikde gıbbe’t-tasdîkı’ş-şer‘î mahalle-i mezbûrede sâkin Mehmed Çavuş b. Abdullah meclis-i mezbûrede takrîr-i kelâm edip eğer câriye-i mezbûre hürre çıkıp ve yâhud âhar sahibi zuhûr edip merkūm Dimo’ya zarar terettüb ederse ben zâmin ve kefîlim dedikde vâki‘ hâl bi’t-taleb ketb olundu. Fi’l-âşir min-Ramazani’l-mübârek li-sene isnâ ve seb‘în ve elf. Şuhûdü’l-hâl: Mustafa Çelebi b. ( ), Şükrullah b. Mustafa, Du‘âcı Ahmed Efendi, Rasûl b. Rıdvan, Hasan b. Bayram.