İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 363 Hüküm no: 363 Orijinal metin no: [45b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mehmed’e verilen bin akçenin ibra edildiği İbrâ. Fi’l-asl vilâyet-i Anadolu’da Sabanca kazâsından olup mahmiye-i İstanbul’da ( ) mahallede misâfiren sâkin olan Ali b. Mehmed nâm kimesne mahzarında tav‘an ikrâr ve i‘tirâf edip bundan akdem mezbûr mübâşeretiyle bir husûs için mahmiye-i merkūmeye gelip mezbûra ücret-i kadem nâmına bin akçe ile lâzım gelen mahallere bir mikdâr akçe vermiş idim el-hâletü hâzihî merkūma ücert-i kadem nâmına verdiğim bin akçeden mâ‘adâ lâzım olan yerlere verdiğim bir mikdâr akçeyi rızâm ile verip mezbûr Şaban Beşe’nin alâkası olmayıp meblağayn-i mezbûreyn da‘vâsından mezbûru ibrâ-i âmm ile ibrâ ve ıskāt eyledim dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî aşer min-Ramazani’l-mübârek li-sene isnâ ve seb‘în ve elf. Şuhûdü’l-hâl: es-sâbıkūn.