.:: İstanbul Kadı Sicilleri ::.


İstanbul Mahkemesi 10 Numaralı Sicil (H. 1072-1073 / M. 1661-1663)
cilt: 51, sayfa: 368
Hüküm no: 369
Orijinal metin no: [46b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Raziye bt. İbrahim kocası Hüseyin b. Hüseyin’den boşanarak zimmetlerini ibra ettikleri

İbrâ-i tarafeyn.

Mahmiye-i İstanbul’da Beyceğiz mahallesinde sâkine Râziye bt. İbrahim nâm hatun meclis-i şer‘de zevci işbu bâ‘isü’l-kitâb Hüseyin b. Hüseyin tarafından vech-i âtî üzere hul‘ ve ibrâyı kabûle vekîl olup Baba Rasûl b. Rıdvan ve Mustafa b. İsa şehâdetleri ile şer‘an vekâleti sâbite olan Musa Efendi b. Mehmed mahzarında ikrâr edip müvekkil-i mezbûr Hüseyin benim zevcim olup zimmetinde mütekarrir olan bin akçe mihr-i müeccelim ve nafaka-i iddetim üzerlerine ve me’ûnet-i süknâm dahi kendi üzerime olmak üzere zevcim müvekkil-i mezbûr Hüseyin yedinde olan iki beyaz dîbâ kaftan ve bir kırmızı atlas kaftan dahi bedel-i hul‘ olmak üzere vekîl-i merkūm Musa Efendi ile muhâla‘a-i sahîha-i şer‘iye ile mahâla‘a edip ol dahi hul‘-ı mezbûru kabûl eyledikden sonra zevciyet ve gayra müte‘allika cemî‘ hukūk da‘vâsından zevcim müvekkil-i mezbûrun zimmetini ibrâ-i âmm ile ibrâ ve ıskāt ve vekîl-i mezbûr dahi bi’l-vekâle cemî‘ hukūk da‘vâsından benim zimmetimi ibrâ ve ıskāt eyledi dedikde, gıbbe’t-tasdîkı’ş-şer‘î mâ-vaka‘a bi’t-taleb ketb olundu.

Fî 15 min-Ramazani’l-mübârek li-sene isnâ ve seb‘în ve elf.

Şuhûdü’l-hâl: es-Sâbıkūn.